Kiko ta un bakuna kontra Corona?

Un bakuna kontra Corona ta protehá bo kontra e vírùs di Corona.
Bo ta haña e bakuna via un angua den e parti ariba di bo brasa.
Despues di e bakunashon bo no ta bira malu di e vírùs, òf bo ta bira ménos malu.

Kiko ta pasa den bo kurpa?

Dor di e bakuna bo kurpa ta traha antikurpa kontra e vírùs.
Esakinan ta pone ku bo kurpa ta rekonosé e vírùs despues di e bakunashon.
Bo kurpa por eliminá e vírùs lihé e ora ei. Sea bo no ta bira malu òf bo no ta bira hopi malu.

Ainda no ta konosí pa kuantu tempu e bakuna ta protehá bo kontra Corona.

E ta seif?

A traha e bakunanan akí mas lihé ku sa traha otro bakuna.
Pasobra hopi hende rònt mundu a traha huntu riba un bakuna.
No a salta ningun stap. No ta posibel tampoko, pasobra e reglanan pa traha un bakuna ta mashá strikto.

Ora a kaba ku e bakunanan, a tèst nan riba hopi hende.
Despues e organisashonnan EMA i CBG a aprobá nan.
Entretantu a tèst e bakuna di Pfizer / BioNTech riba mucha for di 12 aña.
A aprobá e bakuna akí pa nan tambe.

Awor ta usa e bakunanan i ainda ta sigui ku kòntròl di seguridat.

Efekto sekundario

Meskos ku ta e kaso serka tur otro bakuna, bo por haña keho despues di e bakuna akí tambe. Esei yama efekto sekundario.

Bo por sinti por ehèmpel:

  • doló kaminda a pasa e angua
  • doló di kabes
  • kansansio
  • doló di múskulo
  • keintura

Esakinan ta síntomanan leve. Nan ta komun i nan ta disparsé di mes despues di algun dia.

Un efekto sekundario grave no ta komun. Pero si bo tin hopi keho den e simannan despues di e bakunashon, yama bo dòkter di kas.

Pa ken e bakuna ta?

Na Hulanda tur hende for di 12 aña por traha un afsprak.
Bo por hasi esei online òf na telefòn.
Online bo por traha un sita riba: www.coronavaccinatie-afspraak.nl.
Na telefòn bo por traha un sita via e number: 0800 7070

Tin diferente bakuna.
Bo no por skohe kua bakuna bo ta haña.
A tèst i aprobá tur bakuna ku ta wòrdu usá.

Ki ora bo no ta haña bakuna?

Yama bo dòkter di kas si:

  • anteriormente bo tabatin un reakshon alérgiko despues di un bakuna
  • despues di e promé angua bo tabatin un reakshon alérgiko hopi fuerte

Ta mihó pa bo posponé bo bakunashon i traha un sita nobo si:

  • bo ta hopi malu e dia di bakunashon
  • bo tin keintura di 38 grado òf mas haltu
  • bo tin Corona
  • bo tin síntoma komun relashoná ku Corona
  • bo a hasi un tèst di Corona i bo no a haña e resultado ainda
  • bo tabata den kontakto ku un hende ku Corona

Na estado

Un grupo di dòkter i sientífiko a investigá e bakuna durante embaraso.
Nan konseho ta ku tur hende muhé na estado por tuma e bakuna kontra Corona.

Despues di bakunashon

Despues di bakunashon bo tin ku sigui tene bo na regla i konseho general manera laba man i mantené distansia.
Si bo haña síntoma di Corona tòg, bai laga hasi un tèst.

No ta konosí si despues di bakunashon bo por pega otro hende ku e vírùs.
I tin chèns ku bo por bira malu di e vírùs tòg.

Heb je andere vragen over het Corona-virus:

Bel dan 0800-1351


Deze begrijpelijke informatie is gebaseerd op de adviezen van Rijksoverheid.nl en informatie van het CBG. De informatie is getest met taalambassadeurs van Stichting ABC.
23 september 2021 – versie 7

We actualiseren deze pagina zodra er een nieuwe ontwikkeling is. Meld je aan voor de contactlijst en we houden je op de hoogte over updates.

Aanmelden